Saturday, June 15, 2013

Macadamia Natural Oil - تجربتي مع مكاديميا


أهلين بنات ❤  كيفكم؟..
اليوم بتكلم لكم عن مجموعة مكديميا للشعر وتجربتي مع هل المجموعة

أول شي حبيباتي مو كل شي يناسبني يناسبكم والعكس



شعري عادي مايل للدهني وأطرافة جافة


- هذا ماسك للشعر تستخدمينة بعد الشامبو تحطينة بس على اطراف شعرك وتلفين شعرك بفوطة دافيه ٥ دقايق وأغسلية، رأيي عن المنتج مرره جميل يرطب شعري زين ومره مرتاحة عليه وإذا خلص ناوية أجيب لي ثاني 
سعرة ماعرف أخذته من برا قبل مايتوفر عندنا
هذا شكلة ريحتة جميلة عموما المجموعة كلها نفس الريحة  


- هذا زيت مكديميا ينحط بعد الحمام وشعرك ندي رطب شوي بس على الأطراف، رأيي عنه حلو ويرطب بس سعره مو زين على حجمة صح تستخدمين شوي بس فيه أشياء زي كذا وأكبر وأسعرها أحسن وترطيبها بعد أفضل وتجلس معك أكثر عشان حجمها
أنا أخذت إلي معه فرشة شعر وكأن بـ 115 ريال


- هذا شامبو للشعر، الصراحة رأيي فيه مره كنت متوقعة بيرطب شعري وبيعجبني حتى ماخذة الحجم العادي ماخذة الصغير متوقعة بحبة بس للأسف مانسبني أبدا، جربتة كم مره بس نفس النتيجة كانت عكسية على شعري مرره نشفه!! لدرجة لما ارجع امسكة واأنا اتسبح يتعقد فجأة! جربتة كذا غسلة بس النتيجة نفسها مره نشفة وغير كذا من بكره على طول يزيت ما كأني متسبحة أمس ماراح ارجع اشترية
سعرة بـ 95 ريال


- البلسم، رأيي فيه نفس الشي مارطب ولا شي ما كأنة بلسم !!  ماراح أرجع اشترية
سعرة بـ 105 ريال


-هذا زيت للشعر يصلح وشعرك ناشف أكثر من رطب شوي هذا مو زي الزيت إلي فوق، هذا مايرطب ابدا بس يعطي لمعة للشعر يعني إلي شعرها باهت حلو أنصح فيه بس حطي ببالك مايرطب بس لمعة أنا ماحسيت بترطيب منه بس يعطي لمعة أستخدمة إذا حسيت أطراف شعري باهته بخيت منه
سعرة بـ 155 ريال



أنا بالنسبة لي أشياء ناسبتني وأشياء لا، كثير بنات ما شاء الله مناسبهم مره وعاجبهم بس مو كل الناس نفس نوعية الشعر و مو كل شي يناسب الغير يناسبك


المجموعة كاملة موجودة بمحلات نزية
هذا بوست اليوم إن شاء الله عجبكم وأستفدوا منه ❤ 
تواصلوا معي على

إيميل 

  إذا حابين يوصلكم كل شي جديد عن المدونة  سجلي في بلوق لفن هنا إذا مسجلة تابعيني على صفحتي هنا 
و إذا ماعرفتي تسجلين شوفي هنا بوست بسيط شرحت فيه كيفية التسجيل :) 

6 comments:

  1. توني شاريه سبراي زيت الشعر
    بس للاسف ماشوف نتيجته قويه في اللمعه يعني السيروم يعطي لمعه اجمل للشعر

    ReplyDelete
    Replies
    1. يعطيك لمعه بس حبيبتي مايرطب، انصحك بسيروم من بودي شوب مره زين كاتبة عنه بانستقرام

      Delete
  2. تساقط الشعر ترى انتبهي

    ReplyDelete
    Replies
    1. انا حسيت تساقط بس مادري هو منه ولا انا

      Delete
  3. كثير بنات مايمدحونه وانتبهي نتايجه عكسيه يعني يمكن بعد كم شهر يعدم شعرك

    ReplyDelete
    Replies
    1. حبيبتي انا كمان ما مدحتة وقلت ماراح ارجع اشتري :) ماركزتي وانتي تقرين الشامبو والبلسم مارطبوا شعري كانت النتيجه عكسيه نشفوه لي

      Delete