Review on Glycolix facial products | تجربتي مع الجلايكوليك

أهلين حبيباتي❤، مبارك عليكم الشهر الله يجعلنا من صيامة وقيامة يارب❤
حبيت بوست اليوم يكون عن تجربتي مع منتجات الجلايكوليك، أنا كنت أمشي على نظام بشرة متفكك مو شي معين بس غسول والكريمات كانت كلها تجارب ومافي شي غير أو أثر على بشرتي وأنبهرت فيه
حبيت أغير وأجرب هل المقشر لأن تقشيرها خفيف وأنا بشرتي مختلطة حساسة

هذه المجموعة تحتوي على أحماض الفواكه، التي تساعد في إزالة خلايا الجلد الميتة، وطبعا راح تنمو خلايا جديدة وبتصير بشرتك ناعمة وطرية بسبب الجلد جديد، يتكون هذا المنتج من فيتامين أ وفيتامين ج وفيتامين هاء.

نصيحة للبنات إلي ودهم يجربونة أبدي بالتركيز القليل إلي هو (10%) لمى تخلصين العلبة وأنتي راضية بالنتيجة زيدي النسبة إلا (15%) ومن 15 إلي (20%)

ولازم تستخدمين واقي شمس لانك تقشرين والبشرة تكون حساسة مع التقشير

- رأيي فيه: الحمدالله مره مبسوطة عليه أول مابدأت طلع لي حبوب بس عادي هذا يدل ان المنتج زين طلع لي الحبوب إلي تحت الجلد وأنا هذي مشكلتي اساسا، عندي حبوب على عظمة الخد بس تحت الجلد ولا تبين مره بس تضايقني ودي تروح لما استخدمته طلعها لي مع الاستمرار خفت الحمدالله
حلو وأنصح فيه والتقشير حقه مره عجبني ابدا مو قوي ولا تجلس بشرتك فجأه تتحثرب إلي جربت رتن A تعرف أيش أقصد مره لطيف على البشرة
تحصلونة بالصيدلية، و سعرة : 10% بـ 150 ريال، 15% بـ 154 ريال، 20% بـ 165 ريال

حبيباتي إلي كانوا يسألوني عن الرؤوس السوداء (الزيوان) مرره ساعد على انها تروح وخفت مره أنا ماعندي كثير كلها تقريبا بخشمي بس لاحظتها خفت مرره، كنت منزلة بوست عن الرؤوس السوداء (علاج سريع لها، ومؤقت) هنا

هذا الغسول أستخدمة كل يوم في الصباح والليل قبل النوم فيه منه نوعين حقي إلي للبشرة الحساسة Ultra gentle cleanser رأيي فيه:

- حلو مانشف بشرتي ابدا بس هل الفترة بدأت تنشف من مفعول الكريم بس طبيعي يصير كذا عشان المقشر، أشين شي فيه ريحته تضايقني شوي

تحصلونة بالصيدلية، و سعرة: بـ 129 ريال

أستخدمة معه هذا الواقي رأيي فيه: مره حلو ما يحسسك بشعور الدهني إلي بعض وقيات الشمس تسويه أكثر شي عجبني فيه oil free ابدا مو ثقيل على البشرة تحسين بشرتك تتنفس معه وغير كذا جميل مايطبع أبيض زي بعض الكريمات مره أنصح فيه 

تحصلونة بالصيدلية، و سعرة: بـ 135 ريال 

هذي الكليراسونك❤ من زمان عندي بس مع المنتجات هذي صرت بس أستخدمها بالليل، مع التقشير أحس كثير على بشرتي الصباح والليل، أحبها خصوصا إذا كنت حاطة ميك اب تنظف لي بشرتي مره ❤

أنا ما أتحمست وأخذت الكريمات إلا من كلام منى❤❤ (miss boutique) كلامها عنهم مره شي جميل، وأثق بكلامها مره

شكرا حبيبتي منى❤

حبيباتي حطوا ببالكم مو كل شي يناسبني يناسبكم والعكس :)❤❤

و هذا هو بوست اليوم :) إن شاء الله عجبكم❤

تواصلوا معي على

إيميل 

infoaboutbeauty.90@gmail.com

  إذا حابين يوصلكم كل شي جديد عن المدونة ❤ سجلي في بلوق لفن هنا إذا مسجلة تابعيني على صفحتي هنا ❤
و إذا ماعرفتي تسجلين شوفي هنا بوست بسيط شرحت فيه كيفية التسجيل :) ❤