DIY hair ties ❤ - إعمليها بنفسك ربطات شعر

أهلين جميلات :) ❤ 

بوست اليوم سويه بنفسك :) إن شاء الله يعجبكم ❤

ربطات الشعر هذي زي ماتشوفون مرره طايحين فيها وفي ناس مايعرفون ليه أنا مرره أحبها ومن أستخدمتها خلاص ماحب الي أول ليه هذي ميزتها إنها ماتسوي لي عفطة أو عكفة بشعري، يعني لما تكونين مثلا مسيوته ستريت وفجأه تربطين وتفكين يصير فيه كذا عكفة تقهر، هذي الربطات ماتسوي لك ها الشي وغير كذا ماتقطع الشعر وحلوه باليد لما تحطينها :) 

حبيت أسويها لكم لأن هنا لما تتوفر بسرعة تخلص هههههههه :)

راح تحتاجين:

-مقص

-ألوان قماش

-فرشة للتلوين

-ومغاط تحصلونة عند حقين الكلف كنت أبي ألوان بس ماعندنا إلا ابيض واسود 0-0

عشان ماعندنا ألوان جبت أنا الألوان وجلست ألون :) مررره ممتع وحلو ينشف بسرعة ما يأخذ وقت كثير ساعتين ناشف خلاص

هنا قصيت المغاط بالطول إلي أبيه وصفطته 

هنا جالسة أعقدها 

بعد ماتعقدينها، طرفها سوي فيه كذا زيي عشان مايتفكك الخيط أو الخيوط الزايدة ماتطلع

هذي بعض الألوان إلي سويتها ❤ الون الموف ترا جلست أخلط مع بعض الألوان وطلع معي ❤

وهنا وريتكم شكلها بالشعر حلو تمسك ولا تقطع واحلى شي ماتسوي أو ماتترك اثر بالشعر

هنا أشكالها بعد ماسويتها الذهبي لا تأخذونة لأن المغاط مو عريض نحيف مررره قوي ويقطع الشعر أخذته عشان الون بس مايصلح خذو العريض أفضل

غير كذا أخذت كل هل المغطات بس ب ١٠ ريال من حقين الكلف يعني ماراح مايكلفك شي ❤ ومرره سهل

وهذا هو بوست اليوم إن شالله يعجبكم وتستفيدون منه ❤

وإلي تطبقة بليز ترسلي صور ❤ بفرح لما اشوفها

إذا فيه اي اقتراحات لا تترددون ❤ 

تواصلوا معي على

إيميل 

infoaboutbeauty.90@gmail.com

  إذا حابين يوصلكم كل شي جديد عن المدونة ❤ سجلي في بلوق لفن هنا إذا مسجلة تابعيني على صفحتي هنا ❤
و إذا ماعرفتي تسجلين شوفي هنا بوست بسيط شرحت فيه كيفية التسجيل :) ❤