Wednesday, June 12, 2013

How I take care of my lashes - أهتمامي برموشي

اهلين حبيباتي، سألتكم إذا حابين أتكلم عن عنايتي برموشي وكثير قالوا إيه 

كثير بنات مايعتنون أو يسون عناية خاصة لرموشهم، مع ان الرموش مره تحتاج عناية إذا كنتي من النوع إلي دايم تحطين مسكرا طبعا هي تنشفها مره وخصوصا إذا كانت ضد الموية لما تمسحينهم كثير بنات تطيح رموشهم، زي ماتعتنين بشعرك وتهتمين فيه رموشك تحتاج عناية بعد 




أنا أول مابديت أهتم كنت بس استخدم هذا المنتج هو جل تحطينه زي الايلينر في الليل قبل النوم كل يوم مره حلو من ثاني أسبوع شفت النتيجة خلصت ٥ علب منه
-بس عيبه أنه مو متوفر هنا وبس طولهم لي بس مايكثفهم ابدا، اخر مره لما خلص مره تعيجزت اطلب ووقفت
-متوفر بامزون وسعره 35$ 

بعد فتره حسيت احتاج ارجع استخدم شي لهم قررت اجرب زيت الخروع، كيف تستخدمينة بس حطي بطرف اصبعك على اطراف رموشك انتبهي تقربين من العين لان الخروع خطر يدخل بالعين، جربت لفتره بس ماعجبتني النتائج مره وغير كذا خطر اذا جاء بالعين ووقفته 


بعدها قررت أجرب الفازلين، في البداية كنت احط باصبعي وادهن رموشي، حبييييته مرررره غير انه طولها لي كثفها بعد وقواها لي ماصارات تطيح كثير لما امسح المسكرا ♥‿♥

بعدإلي النتائج إلي شفتها منه قررت اسوي لي مسكرت فازلين، واليوم راح اعلمكم كيف تسون لكم وحده 


راح تحتاجين:
-علبة فازلين
-ملعقة بلاستيك
-علبة مسكرا نظيفة
-شفاط الدواء زي إلي موجود بالصوره


هنا المسكرا بعد ما نظفتها القطعة السوداء لما تشيلينها تسهل لك عملية تنظيف المسكرا حتى اسهل لما تجين تعبينها فازلين  هذي العلبة لخالتي عطتني اسويلها وحدة


بعد ماتنظفينها وتخلصين خذي ملعقة فازلين، وحاولي تدخلينها بحق شفاط الدواء راح يبهذلك شوي عشان الفازلين ثقيل بس عبيها كلها مره وحده احسن


هنا خلاص بعد ماعبيتها كلها فازلين


اخذت علبة المسكرا النظيفة وسويت كذا عشان اعبيها هههههه مصورتلكم خطوة بخطوة (◕‿◕)


بيكون ثقيل شوي بس اضغطي قوة لما يطلع، اذا تعبى وطلع خلاص وقفي


اذا صار كذا فيه شوي طالع عادي لما تسكرينها بالغطاء الأسود بيدخل وكل شي بيصير زين 


بعدها خلاص صارت المسكرا جاهزة للإستخدام ♥‿♥


اول استخدمها بس قبل النوم، بس زي ماقلت لكم قبل انا رموشي نازلة لازم مسكرا ضد الموية عشان تمسكها ولا احب احط كل يوم، جربتها مره الصباح قبل ماروح للجامعة وتخيلوا وقفت ثابته رحت ورجعت وكل شي وهي ثابته ♥‿♥ امبسطت مررره وصرت دايم استخدمها بس اذا صار طلعة او مناسبة استخدمت مسكرا عادية ههههههه بس مسكرتي الي كل يوم هي هذي الفازلين 
تواصلوا معي على

إيميل 

  إذا حابين يوصلكم كل شي جديد عن المدونة  سجلي في بلوق لفن هنا إذا مسجلة تابعيني على صفحتي هنا 
و إذا ماعرفتي تسجلين شوفي هنا بوست بسيط شرحت فيه كيفية التسجيل :) 

11 comments:

  1. واو مره روعه ي حياتي♥♥ مررررره عجبتني طريقتك inesmagdi

    ReplyDelete
  2. Love this Idea Thanks for sharing :)

    ReplyDelete
  3. انا استخدم الفازلين لرموشي من فترة س ساقط لي رموشي والله..
    استخدمت زيت الخروع المركز ومرررة حلو ماسبب لي حساسية او اي مشاكل =)

    ReplyDelete
    Replies
    1. انا لي سنتين استخدم الفازلين والحمدالله مره زين ومناسبني

      Delete
  4. ثانكيو مررره انا صرت اتازم اذا شفت رموشي لان مره طاحو وانا مدمنة ماسكرا وماقدر استغنا عنها ابد بيومي كله واحيانا من جنوني امسكها بيدي طول اليوم احط ..استخدمت ماكس فاكتور وريميل 2ان 1 والحين رجعت على ماكس فاكتور القديمه ابو خط احمر ورموشي طاحت وصارت مأساه كانو طوال وكثاف وصارو قليلين بقوا استخدمت الخروع بطريقة الفازلين بس ماحسيت بفايده
    مشكوووره على معلومتك ويارب تزبط معي

    ReplyDelete
  5. مبدعة ،، والڤازلين مرة بطل للرموش
    ان شالله اجرب حركةالمسكرا
    يسعدك ربي

    ReplyDelete
    Replies
    1. شكرا حبيبتي❤ اميين يارب ويسعدك حبيبتي

      Delete
  6. Excuse me what about Dr.lash? Work like rapidlash ?

    ReplyDelete
  7. فكرتك مرره حلوه .. قاعدة أدور ف بالي إذا عندي ماسكرا فاضيه :( أششكرك :*

    ReplyDelete