Wednesday, May 27, 2015

Review: Foreo Luna Mini and Clarisonic Mia


السلام عليكم 
 من زمان عنكم وعن التدوين
بتكلم لكم اليوم عن الفرق بين فوريو لونا ميني و كلايراسونك الاصدار الاول :)



اول شي بتكلم لكم عن بشرتي، بشرتي مختلطه التي زون الي هو منطقة الجبهه والخشم دهنية شوي والباقي عادي، اول شي كنت استخدم كلايراسونك بس في الليل قبل ما انام ولا كل يوم بعض الاحيان احسها قويه شوي على البشرة، اكثر شي احب استخدمها لما اكون حاطة مكياج كثير تنظف وجهي مره تشيله لي كله، وبعض الاحيان لما احس بشرتي فيها قشور او دهن او شاحب وجهي احب استخدمها بس مو كل يوم بشرتتي تتحسس استخدمها يوم ورا يوم او على حسب


من عيوبها بالنسبه لي تجلس معك تقريبا ٥ الى ٨ غسلات بعدين لازم تشحنينها وتجلس يوم كامل عشان تتعبى، انا عشان ما استخدمها كل يوم تجلس اكثر وبعض الاحيان عادي وانا اغسل وجهي تطفى علي مره تقهر ههههه، شعر الفرشه ماينشف بسرعه يطول على بال ما ينشف، و على حسب استخدامك لها لازم بين فتره وفتره تغير الفرشه عشان الجراثيم الي ممكن تتجمع على الفرشه



قبل ٧ شهور تقريبا سويت تقشير لوجهي بعدها بفتره صرت لما استخدم الكلاراسونيك بعض الاحيان تحرني مره، تحسست بشرتي منها حسيت ما تتحملها ووقفت ماصرت استخدمها الا نادر، جربت لونا عجبتني مره بس للاستخدام اليومي و اكثر شي عجبني حجمها خصوصا للسفر صغيره وما تاخذ مكان


ابدا مو قويه على البشره مره تصلح للي بشرتها حساسه، بس ماتنظف بعمق ابد ماتخلي الغسول يرغي زي الكلاراسونيك هههههه هذا الشي مآزمني يعني اذا حاطة ميك اب وتبين تنظيف وجهك صدق كلارسونيك الي بينظفه لك :)، كيف استخدم لونا احط الغسول في وجهي واحركة لما يرغي بيديني بعدين ابللها شوي واستخدمها او احط الغسول على السلكون مباشره واحط عليه شوي مويه واحركه بيدي لما يرغي اشغلها وابدا احركها بوجهي لازم اذا حطيتي الغسول عليها تحركينه لما يرغي لاني جربت اول احطه وحطيته على طول على وجهي بس ماحسيت نظف ولا رغى، بعد استخدام تقريبا اسبوعين او اكثر هي حركتها زي الذبذبات احسها تحرك الدم الي في الوجه خدودي تصير حمره بس مو حمره تحسس لا تحسين حمره صحه هههههه، واكثر شي فرقته فيها الصراحة الرؤوس السوداء الي في خشمي اقدر اقول انها اختفت  من بعد لونا 
شوفوا هذا فديو بيوتيوب يبين لكم كيف تستخدم للي مو عارفه كيف تستخدمها 


وهذا بعد فديو ثاني اوضح طريقة استخدامه 






هذا شكلها من وراء السيلكون الي وراء للتنظيف العميق مو ذاك العميق الصراحه بس استخدمه لخشمي بعض الاحيان، حبيت انها تستخدم ٣٠٠ وزياده بعدها تشحنينها اول شحنه، عشانها سيلكون مالها تغير فرشة وكمية الجراثيم تكون طبعا فيها اقل.

في الاخير حلوه الفرشة بس زي ما قلت تصلح استخدام يومي لانها رقيقه بس تنظيفها عادي ابد مو عميق يعني ما افكر ابدا اشيل فيها مكياجي، انصح البنات الي بشرتهم حساسه وتتحسس من اي شي بتصلح لها والي بشراتهم عادي كاستخدام يومي.

متوفره في صيدليات وايتس


آتمنى يكون عجبكم البوست ، اشوفكم إن شاء الله في بوست قريب :) 

تواصلوا معي على

إيميل 

  إذا حابين يوصلكم كل شي جديد عن المدونة  سجلي في بلوق لفن هنا إذا مسجلة تابعيني على صفحتي هنا 
و إذا ماعرفتي تسجلين شوفي هنا بوست بسيط شرحت فيه كيفية التسجيل :) 

1 comment:

  1. انا من زمان متابعه مدونتك مرا جميله ، بدعمك بالتعليقات والمشاهده وادعميني ، شرفيني في البلوق تبعي ❤️❤️.

    ReplyDelete