Monday, September 9, 2013

Qurtsyah Haul | مشترياتي من متجر قرطاسية

السلام عليكم جميلات 

كثير بنات كانوا يطلبون مني اني اسوي لهم haul إلي هو مشترياتي، وقبل كم يوم طلبت من موقع قرطاسية وحبيت انزله لكم للي لسه ماشرت دفاتر للجامعة (آسفه على تأخر البوست)
أول مره اطلب منهم شفت الأكونت حقهم بانستقرام ومره عجبتني الاشكال وقررت ادخل الموقع اجرب واشوف
- أخذت هذا الدفتر من تصميم سين اسمه تو-دوولست بـ 25 ريال
مره عجبني للمهام اليومية؛ شوفوا كيف من جوا موجود مربعات على جمب كل شي تسوينه وتخلصين حطي صح عليه وعجبني انه من اليسار مو مسطر تقدري تحطي لنفسك تنبيه او تذكير، وعجبني انه فيه لما تشقين الورقة فيه هذا الي تقطعينه وتصير كذا الورقة مرتبه :) (إن شاء الله فهمتوني)
- وهذا الدفتر بعد من تصميم سين اسمه مستودع افكار بـ 30 ريال 
الدفتر من جوا مقسم 3 اقسام اول شي مخطط عادي ثاني قسم مربع كأنه حق رياضيات واخر قسم ورق ابيض فاضي
- وهذا الدفتر بعد من سين اسمه دفتر ابو ٨٠❤  بـ 22 ريال
حلو من جوا كله مخطط 
- هذا دفتر كبير ١٨٠ ورقة تقدرين تقسمينه لكذا مادة بـ 20 ريال 
هذا الدفتر من ورا مكتوب فيه زي المقولة
- هذا حامل للدفاتر صغير بـ 12 ريال
هذا شكله والدفاتر جوا ترى دفتر ابو ٨٠ مايدخل فيه يعني صعنون الحامل هذا 
- هذا الملف جلد وفيه إلي يسكره من فوق بلاستك الصغير الزهر بـ 15 ريال والكبير بـ 22 ريال
استخدامي له الزهر حطيت فيه الاقلام واقلام التخطيط
والكبير فيه بعض الاوراق والستكي نوتس 
- واخذت هذولي اليمين ستكر للصفحات بـ 22 ريال حلو عجبني انه عريض شوي وسميك يعني مايتعفط عليك لما تستخدمينه
- اليسار ستكي نوتس بس مجمعه بدفتر صغير بـ 20 ريال عجبتني الفكره، بس بكون صريحه معكم جاني شفتو اول واحد بالصوره الي تحت إلي كذا طايره ورقته هذا كان مفكوك طايح من الصمغ حقه، قالت عادي بصمغه انا طيب 
لسه ما استخدمته محطوط بالشنطه الجلد البيج فتحتها اليوم كلهم طاحوا بس باقي الاصفر والي جمبها يعني جلست صمغتها كلها تقريبا! تقدرين تسوينه انتي بنفسك وشي ماعجبني الورق خشن شوي، النوتس العاديه عندي انها افضل من هذي

تجربتي مع الموقع مره حلو وجدا سهل تدفعين بـ paypal واذا ماعندك تسوين حوالة، كم يوم على بال ماوصلت ماطولت ابدا من بكره كلموني فديكس وقالو اي فرع اقرب لك ورحت بعدين اخذتها من الفرع (مع العلم انا بالرياض) يوصلون للمدن الثانيه بس ماعرف كم يجلس مكتوب بالموقع ٣ ايام

http://shop.qurtsyah.com.sa/ هذا هو الموقع، مكتوب فيه الاسعار وكل شي حتى المقاسات كل شي مكتوب فيه

وهذا هو بوست اليوم إن شاء الله عجبكم، إذا حابين اتكلم في شي معين لا تترددون واكتبوا لي كومنت 

تواصلوا معي على

إيميل 

  إذا حابين يوصلكم كل شي جديد عن المدونة  سجلي في بلوق لفن هنا إذا مسجلة تابعيني على صفحتي هنا 
و إذا ماعرفتي تسجلين شوفي هنا بوست بسيط شرحت فيه كيفية التسجيل :) 

5 comments:

  1. جميل مره تتهنين العنود
    BTW والنعم :p
    حمستيني ارجع للدراسه :*

    ReplyDelete
    Replies
    1. ههههه ياحبي لك شيوم ❤ والنعم فيك حبيبتي ❤❤

      Delete
  2. انا بشترى منه على طول

    ReplyDelete
  3. مشتراياتك جدا جميله ماشاءالله الموقع جدا جميل تحسين انك تحتاجين هذا الاشياء حتى لو مالها لزمه

    ReplyDelete