Tuesday, August 13, 2013

Spice up your clear cover case | سويه بنفسك كفر للجوال

كل عام وأنتوا بخير حبيباتي 

نزلت صورة بـ إنستقرام، صلحت كفر لبنت خالتي وكثير طلبوا مني اعلمهم كيف :)، مره سهل 


تقدرين تسوينها لأي جوال مو شرط ايفون انا فكرت بالحركة لاني من فتره شريت جالكسي نوت ٢ وابدا مالقيت شي عجبني ولا فيه خيارات كثيره و كل شي عادي T-T *احب جوالي يصير جميل* إذا تعرفيني اكيد تعرفين ها الشي كفرات الايفون حقي كثيره عشان كذا ما فكرت فيه :)، هههههه بس سويت لبنت خالتي كانت مره متحمسة معي وودها بواحد

طيب نبدا راح تحتاجين:
- كفر شفاف (تحصلينه في اغلب محلات الجوالات) هذا لقيته بسيفوي*التميمي* في محل صغير يبيع اشياء جولات كان بـ ١٥ ريال
- مقص 
- مشرط عشان تقصين فتحة الكاميرا بشكل مرتب
- قلم عشان تحطين الكفر وتحددين المقاس للقص
- خلفية ودك لو انها كفر لجوالك (النت مليان صور كل وحدة وذوقها وايش تحب)
- صمغ اذا كان ودك ماتغيرين الصورة، بالنسبة لي ماحطيت صمغ على اساس إذا مليت غيرت وطبعة شي ثاني 
- ورق طباعة حق الصور، إلي الورقه تكون سمكية شوي مو زي الورق العادي، ليه بس اذا كان ودك بلون انصع واوضح بس عادي اذا مو متوفر عندك الورق العادي يضبط




خلاص اطبعي الورقة، بعدين حطي الكفر عليها وحددي بقلم الرصاص عشان تقصين، بعد ماتقصين جربي دخلي الورقه اذا مقاسها زين خلاص حددي حق الكاميرا وقصية بالمشرط وانتبهي لا تجرحين نفسك وبعدها خلاص دخليها وجيبي جوالك ودخلية :) وعادي اذا ماحطيتي صمغ الورقة مثبته من جوالك ماراح تطيح او شي، وبس خلاص وكل شي صار جميل في كم دقيقة احسن واسرع حل اذا تحبين الكفرز وتحبين التغيير 

حبيباتي إذا وحدة تحمست وسوت لها واحد بليز سوي لي منشن بالتويتر او انستقرام بفرح بتطبيقكم 

و هذي بعض الصور طلعتها من النت لبعض الخلفيات إلي عجبتني لو انها كفر، مو شرط تستخدمين منها كل وحدة وذوقها 




















تواصلوا معي على

إيميل 

  إذا حابين يوصلكم كل شي جديد عن المدونة  سجلي في بلوق لفن هنا إذا مسجلة تابعيني على صفحتي هنا 
و إذا ماعرفتي تسجلين شوفي هنا بوست بسيط شرحت فيه كيفية التسجيل :) 

8 comments:

  1. الله يسعدك قولي آمين، كنت متعقده من كوفر جوالي لأن مافي كوفرز كثيره لجوالات سوني ='(

    حبيت البوست وراح اطبقه قريب ان شاء الله♥

    الله يعطيك العافيه يارب =$♥

    ReplyDelete
    Replies
    1. اميييين حبيبتي وياك يارب ❤❤❤ يالله استنى تطبيقك ❤

      Delete
  2. وااااااه ^_^ مرررره حبيت الفكرة
    واكيييييد رح أطبقها لأني دائماً احوس ولا ألاقي الكفر اللي يدخل مزاجي :"(
    تسلم يدينك ^_^

    ReplyDelete
    Replies
    1. الله يسلمك ذكرى❤ يالله تحمسي و وريني تطبيقك وفرحيني ❤❤

      Delete
  3. الصراحه شي جميل
    ماشاء الله شرحك واضح حبيت كذا شكل من الاشكال
    وان شاء الله اطبقها يعطيك العافيه ❤

    ReplyDelete
    Replies
    1. الله يعافيك حبيبتي ❤
      استنى تطبيقكم لا تنسين تسوين لي منشن بفرح بتطبيقك ❤

      Delete
  4. حبيت الفكرة وجاري التطبيق على جوال اختي
    تسلمين على الشرح الحلو ❤

    ReplyDelete
    Replies
    1. الله يسلمك حبيبتي ❤

      استنى تطبيقكم ❤❤❤❤

      Delete