Sunday, August 18, 2013

No makeup makeup look❤ مكياج للعودة إلي المدارس الجامعة الدوام

اهلين حبيباتي

كثير طلبوا اسوي بوست عن ميك اب الدوام(مدرسة، جامعة)، نزلت لكم اليوم واحد على السريع اعذروني على التصويرT-T مسافرة اليوم وبرجع إن شاء الله قبل الدوام بكم يوم حبيت انزله لكم قبل ماروح



اول شي ميك الدوام حلو يكون مره خفيف وما كانك حاطة شي (no makeup makeup look) ليه اول شي صباح حلو يصير هادي وكل شي كيوت وطبيعي، انا الحين بالجامعه والله فيه بنات الله يهديهم من كثر ماتحط تشوه نفسها مو تجمل نفسها بالي جالسه تحطه وما شاء الله ماعرف كيف يمديها تحط كل هذا T-T و الارواج الفاقعه على الصباح ترى ابدا مو حلوه ولا تناسب الدوام :) 


هذي بعض الأشياء إلي استخدمها 
- بيبي كريم ولا تنتد موسرايزر يكون فيه واقي، اذا ماتحتاجين خلاص حطي واقي يكفي ويغني 
- كونسيلر اذا تحتاجين
- بلشر لون فاتح خفيف
- روج الالوان الطبيعيه والفاتحه احلى من الفواقع والغامق الصباح شوفو هذا البوست كاتبة فيه عن بعض الأرواج الطبيعيه و شارحة أيش الألوان إلي تناسب كل بشرة تقريبا هنا
- مسكرا خفيفه، بنسبة لي انا ماحط مسكرا احط فازلين كاتبة عنه بوست كامل للحابة تشوفه هنا
- بودرة للحواجب او قلم الي تحبين فيه من بودي شوب وفي سيفورا وكلهم حلوين للاستخدام اليومي
يكفي هذا مكياج الصباح وبتطلعون تهبلون 


هذي بعض البلشرز كريمي إلي احبها كإستخدام يومي؛ تعطي شكل طبيعي اكثر من الباودر ومره سهل استخدمها وهذا بوست كاتبة عن افضل كريم بلشرز استخدمتها هنا


لو حابة تخفي بعض العيوب في بشرتك في هذا بي بي كريم من مايبلين حلو خفيف وفيه واقي 30، والثاني تنتد مويسترايزر مره حلو بس مو من هنا تحصلونه اون لاين مره حلو للبشره الدهنية او المختلطه وفيه منه للبشره الجافه لونه بيج


للعيون إذا حابة لاينر يكون على خط الرمش مو عريض حلو يعطي ايحاء لرموشك انها كثيره فيه سيفورا مره انصح فيه و اذا لسه مبتدئه فيه من ماك الي زي القلم حلو وثباته زين، وهذا الكحل من بنفت لونه على زهر فاتح شوي ينحط جوا العين وكمان تحت الحواجب للاضائه مره حلو خصوصا اذا ما نمتي زين يفتح لك عيونه ويخفف لون الحمار الي فيها، فيه بنات يحبون يحطون شدو فاتح بس عشان تفتح لون جفنها او تخفي العروق هذا مره حلو وطبيعي من بنفت على بيج و فيه لمعه بسيطة اسمه r.s.p.v 


هذولي من افضل الكونسيلرز الي استخدمتها ماك برو لونغ وير سواء تحت تحت العين او لاخفاء الحبوب، وفيك اب من بنفت مره حلو تحت العين عشان معه مرطب فيرطب المنطقه ويغطيها


هذي المسكرا مره حلوه من ميبلين بس للاستخدام اليومي ما انصح بضد الماء بتعدم رموشك


إذا ماتبين تحطين روج حطي مرطبك المفضل و خلاص كذا بتكونين خلصتي❤❤


هذي بعض الصور للميك اب الى اقصده، مودل وبس حاطه لون شدو واحد ومسكرا واضائه وطالعه تجنن 


هذي بلش واضائه ومسكرا ومره حلو شكلها 


كل ما صار خفيف صار احلى، وحلو لما تطلعين يعني مع صحباتك برا الجامعه سواء بيت او اي شي يفرقونك وتصير طلتك غير ويتغير شكلك برا الجامعة يعني في بنات من كثر ماتحط كثير بالدوام لو تشوفينها بعزيمه هي هي نفسها مايتغير شكلها لانها دايم بهل المكياج الثقيل *مادري اذا فهمتوا قصدي او لا بس ان شاء الله فاهمين*

وهذا هو بوست اليوم إن شاء الله عجبكم واستفدتو منه :) 


تواصلوا معي على

إيميل 

  إذا حابين يوصلكم كل شي جديد عن المدونة  سجلي في بلوق لفن هنا إذا مسجلة تابعيني على صفحتي هنا 
و إذا ماعرفتي تسجلين شوفي هنا بوست بسيط شرحت فيه كيفية التسجيل :) 

3 comments:

  1. شكرا على البوست الجميل استفدت كتير واخدت افكار للوك البسيط شكرا

    ReplyDelete
  2. جميل جداً، شكراً جميلتي <3

    ReplyDelete
  3. حبيت التدوينه، يعطيك العافيه

    ReplyDelete